Сагынмаклык булыр дидең,
Алкалар бүләк иттең,
Алкалар бүләк иттең дә,
Үзең калдырып киттең.
Карадым асыл ташларга
Яратып, исем китеп.
Биргәнсең икән аларны
Аерылу төсе итеп.
Алкаларым-сигез кашлы,
Сигезе-сигез тамчы.
Сагындырып сындырмачы,
Үзең янымда калчы.
Бөтенләйгә киттеңмени?
Алкалар төсеңмени?
Алкаларым-сердәшләрем
Пышылдый исемеңне.
Бу җыр Зәйнәп Фәрхетдинова репертуарында бар
Добавлено rusyazykly в ЧТ, 18/05/2023 - 21:32
«
»