Төшләремә син кергәндә,
Мин йокларга яратам.
Уянсам, татлы төшемнең
Дәвамын көтеп ятам.
Әле ярый төшләремдә
Яннарыма киләсең.
Назлы итеп эндәшәсең,
Серле итеп көләсең.
Парлы язган язмышларда
Нигә һаман ялгызым,
Гомеремнең кай җирендә
Җибәрелгән ялгышым?
Әле ярый төшләремдә
Яннарыма киләсең.
Назлы итеп эндәшәсең,
Серле итеп көләсең.
Алга барыр юлларыма
Өмет белән карыймын.
Сине күргән төшләремне
Чынбарлыкка саныймын.
Әле ярый төшләремдә
Яннарыма киләсең.
Назлы итеп эндәшәсең,
Серле итеп көләсең.
Бу җыр Роберт Шәймәрданов репертуарында бар
Добавлено rusyazykly в ПТ, 19/05/2023 - 09:04
«
»