Иртәнге ак томаннарга
Яр таллары чумганнар,
Томаннарда адашканнар
Язмышы чуалганнар.
И бөдрә тал, бөдрә тал,
Моңнарымны отып кал,
Җанны өткән хәсрәтемне
Дәрьяларга итеп сал.
Томан күтәрелер әле,
Таллар күренер әле,
Адашканнар юллар табып
Тагын сөенер әле.
И бөдрә тал, бөдрә тал,
Моңнарымны отып кал,
Җанны өткән хәсрәтемне
Дәрьяларга итеп сал.
Сандугачлар талга кунып,
Моңнар таратыр әле,
Кайгы-хәсрәтле йөрәктә
Шатлыклар артыр әле.
И бөдрә тал, бөдрә тал,
Моңнарымны отып кал,
Җанны өткән хәсрәтемне
Дәрьяларга итеп сал.
Бу җыр Алиһә Нур репертуарында бар
Добавлено АлиһәНур в ЧТ, 26/05/2022 - 12:58
«
»